Попова шапка изобилува со скијачки патеки, а нуди и услови за зимски екстремни спортови. Патеките се со должина од околу 10км. и капацитет од околу 8000 скијачи на час.

       Овој зимско-рекреативен центар се карактеризира со голем број сончеви денови и снег од ноември до април.

     Во езерото се среќаваат повеќе видови риба,како: поточна пастрмка, крап, виножитна пастрмка, клен, скобуст, јагула, мрена и други.

      Над езерото се издига природниот резерват “Јасен”. Во резерватот заштитени животни се дива коза, мечка, рис. А од птиците лештарка, белоглав мршојадец, був и др.

       До Козјак може да се стигне од две страни. Преку Скопје и преку Македонски Брод. Ако се оди преку Скопје се оди низ резерватот “Јасен”, каде може да се ужива во погледот на езерото, дрвата јасен и понекогаш може да се види по некое ретко животно. Доколу се оди преку Македонски Брод може да се ужива во убавините  на реката Треска.

      Езерото сеуште не е преполно со туристи. Но, во тоа можеби е и целата убавина. Затоа што мирот и мирисот на различни билки ве опива. 

       Манастирот е сместен во раскошна природа. Воздухот не само што е свеж и чист тој е исполнет со духовност и спокој. Тука ќе се почувствувате обновено. 

Доколу сакате да дишете заедно со природата вие сте на правото место. Матка изобилува до ендемски животни, растенија и видови пеперутки кои не и се познати на науката. А највпечатливи се 10 пештери од кои и пештерата Врело која се смета за една од најдлабоките подводни пештери во Европа и светот. 

Исто така ова е право место и за љубителите на планинските спортови. Такви се кајакарство на диви води и алпинизам.