1кг.                           јунешко месо

    2 главици                кромид

    2                               моркови

    1                              свежа пиперка

    2 лажици                 зачин со зеленчук

    300мл.                     вода

    1 чаша.                    бело вино

                                     сол и црн пипер

     1 лажиче                 брашно

                                     масло за јадење

     1кг.                           компир

     1 лажица.                црвен пипер

              Јунешкото месо се сече на подебели шницли.  Кромидот се лупи и се сецка на поголеми парчиња. Морковите се лупат и се сечат на кругови. Пиперката се сецка на поголеми парчиња.

           Половина од месото се реди на дното на едно тенџере. Над него се става половина од кромидот, морковите, пиперката и половина лажица зачин. Потоа се реди останатиот дел од месото. Над него повторно се реди останатиот дел од кромидот, морковите ,пиперката и половина лажица зачин.  Се става и малку сол и црн пипер. Сето ова се прелева со водата и се става на тивок оган да се крчка околу еден час(повремено се проверува дали има вода и се промешува). После еден час се истура виното и се остава да се крчка на тивко уште еден час.

       Во меѓувреме се лупат компирите се сечат на коцки и се ставаат во тава за печење. Се става една лажица зачин, една лажица црвен пипер, малку црн пипер и сол. Потоа се става вода колку да го покрие дното на тавата. Одозгора компирите се прелеваат со масло за јадење. Тавата се става во рерна и компирите се печат на 220°C околу еден час.  

         После 2 часа месото се вади од тенџерето на една чинија. Во тава за пржење се става малку масло за јадење и се става на оган да се загрее. Потоа се става месото и кратко се запржува од двете страни.  Месото се трга на страна и се покрива со алуминиумска фолија.

         Бујонот, каде се варело месото може да се искористи како сос. Прво со вилушка се гмечат кромидот, морковот и пиперката. Потоа во една тава се става малку масло за јадење и се става на оган. Во тавата се додава брашното и се меша. Кога ќе се запржи се додава бујонот. Се остава кратко да се крчка за да се згусне.

          На чинија за сервирање се става парче месо кое се прелева со сос и се става од компирите. Одозгора се декорира по желба.

       Прекрасно и вкусно јадење за љубителите на јунешко месо со кое може да ги воодушевите вашите гости. Пријатно јадење!!!

2                            тиквици

500 г.                     мелено месо

400 мл.                  доматен сос

1                             главица кромид

1                             свежа пиперка

1                             морков

40 мл.                     зејтин

1 лажица                мешан зачин

                                сол

                                бибер

Бешамел сос

50 г.                       брашно

50 г.                       путер

600 мл.                  млеко

       Кромидот ситно се сецка и се става во тава за пржење во која претходно е ставен зејтинот. Тавата се става на оган. Комидот се пржи додека стане стаклест. Во меѓувреме се сецкаат пиперката и морковот, па се додаваат во тавата. Потоа се додава месото. Се пржи околу половина час со повремено мешање. Потоа се додава доматниот сос. Се додава мешан зачин, сол и бибер. Сосот се крчка некое време се додека кога ќе поминеме со лажица не се види дното. Го тргаме сосот на страна.

      Започнуваме со подготовка на бешамелот. Во едно тенџере го ставаме путерот. Тенџерето го ставаме на оган. Кога путерот ќе се растопи го додаваме брашното. Брашното се пропржува потоа се додава млекото. Потоа се додава бибер. Се остава сосот да врие на тивко неколку минути и повремено се промешува. Потоа се трга од оган.

       Зависно од големината на тиквиците се земаат 2 или 3. Се мијат се отстрануваат краевите и се сечат на кругови. Во тава за печење се става многу малку вода, потоа се редат еден дел од тиквиците. Над тиквиците се става од сосот со мелено месо. Потоа се реди втор ред тиквици. Па повторно од сосот со меленото месо. И уште еднаш тиквици и мелено месо. Најгоре се става бешамелот и со лажица убаво се распределува низ целата тава. Тавата се става во загреана рерна на 220°С. Се пече 30-40 минути.

20-25                големи листови блитва

500 г.                мелено месо

 1                       главица кромид

 3                       шаки ориз

 3 лажици         доматен сос или кечап

1 лажица          зачин

1 лажица          брашно

1 лажица           мелен црвен пипер

                          масло за јадење

                          бибер

                           сол

           Кромидот го лупиме и ситно го сечкаме. Во тава за пржење ставаме малку масло за јадење и го додаваме кромидот. Тавата ја ставаме на оган. Пржиме додека кромидот не добие стаклест изглед. Потоа го додаваме месото. Пржиме додека месото добие црвенкаст изглед.

         Во меѓувреме ги миеме листовите блитва и ги отстрануваме дршките. Листовите ги оставаме настрана да се исцедат.

         Кога месото ќе почне да се запржува се  додава доматниот сос, зачинот, сол и бибер. Потоа се додава оризот и се промешува. По неколку минути се додава црвениот пипер. Се пропжува уште неколку минути и тавата се трга од оган.

         Започнуваме со виткањето на сарми. Се зема еден лист (доколку листовите се помали може да се искористат и два), на едниот крај  се става една лажица од месото и се витка сарма. Сармите се редат во тава за печење. Кога ќе се потрошат сите состојки во тавата се додава 250 мл. вода. Тавата се става на оган. Кога водата ќе зоврие се остава да врие 5 минути. Во меѓувреме се вклучува рената да се загрее на 240°С. Откако водата во тавата ќе проврие тавата се става во рерна. По половина час во едно мало тавче се става малку зејтин и една лажица брашно. Тавчето се става на оган. Брашното се пржи додека добие златеникава боја. Потоа тавата се вади од рерна и во неа се додава брашното (внимателно може да прска). Тавата се враќа во рерна и се пече уште 20 минути. Потоа се вади од рерна и јадењето е спремно.

1 кг.                         свински ребра

1 кг.                         компири

1 чаша                    бело вино

50 мл.                     зејтин

1 лажица                 зачин со сушен зеленчук

                                сол

                                сушен босилек

                                бибер

                                 буковец

             Компирите се мијат, се лупат и се сечат на коцки. Се ставаат во тава за печење. Потоа се додава зачин со сушен зеленчук, сол, буковец и една чаша вино.

            Ребрата се мијат и се зачинуваат со сол, сушен босилек и бибер. Се сечат на неколку места. Се ставаат над компирите. Одозгора се става зејтинот. Се печат 2 часа на 220°С. По еден час печење тавата се вади од рерна. Ребрата се превртуваат на другата страна. Одозгора се додава уште малку сол, бибер и зејтин. Тавата се враќа во рерна и се пече уште еден час.

500г.                   ориз

4-5 главици      кромид

40-50                 листови кисела

                          зелка

1лажица            зачин со зеленчук

2 лажица           црвен пипер

                           сол

                            оригано

                            босилек

                            бибер

         Кромидот се лупи и ситно се сецка. Потоа се става во тава со малку зејтин. Се пржи на тивко. Во меѓувреме оризот се чисти и се мие со вода. Кога кромидот ќе добие стаклен проѕирен изглед се додава оризот. Се промешува и се продолжува со пржење. Се додава зачинот, солот, ориганото, босилекот и биберот. По околу 4-5 минути се додава црвениот пипер. Убаво се промешува и тавата се вади од оган.

         Следно се поготвуваат листовите кисела зелка. Се зема еден лист зелка и се дели на два или три дела во зависност колкави сакаме да бидат сармите. Листовите треба да бидат со приближна големина. Се подготвуваат 40-50 листови.

         На дното на едно поголемо тенџере се дроби зелка на покрупни парчиња. Потоа се прават сармите. Се зема еден лист од зелка на едниот крај се става лажиче од оризот и се витка сарма. Сармите се редат во тенџерето. Се прават сарми се додека има од филот со ориз. Потоа сармите се покриваат со цели листови зелка. Наместо вода во тенџерето се истура расолница(може и вода). Расолницата треба да ги покрие сармите. Тенџерето се поклопува со капакот и се става на оган. Се вари олоку час и половина. По потреба се додава расолница или вода.

          Во едно помало тенџере се става малку зејтин и една лажица црвен пипер. Пиперот кратко се пропржува и потоа се истура во тенџерето со сармите. 

           Рерната се загрева на 220°С. Потоа тенџерето со сармите се става во рерната и се остава околу половина час. Потоа се вади од рерна.

500г.             мелено месо

200г.             кашкавал

100г.             сушена сланина

  1                  главица кромид

1                    кришка леб

                      малку млеко

150мл.         бело вино

1                    лажица вегета

                      сол и бибер

           Во еден длабок сад се става меленото месо. Настрана се сечкаат 100г.  кашкавал, сланината и кромидот. Потоа се додаваат во садот. Кришката леб се дроби на ситни парчиња и се истура малку млеко доволно да се натопи. Потоа лебот се стиска со раце да се исцеди вишокот млеко и се додава во садот. Во садот се додава уште и вегетата, сол и бибер. Се замесува. Смесата се префрла во тава за печење и се формира ролат. Во тавата се додава  белото вино и малку зејтин. Тавата се покрива со алуминиумска фолија. 

       Се става во рерна и се пече на 200°C половина час. Потоа се вади фолијата и се пече уште 20 минути за ролатот да доби убава црвено-кафена боја. Кога ќе поминат 20 минути тавата се вади од рерна и над ролатот се реди преостанатиот кашкавал исечен по должина. Тавата се враќа во рерната. Кога ќе се истопи кашкавалот тавата се вади од рерна. 

400г.               свинско месо

3                       црвени пиперки

                        (капија)

1                       модар патлиџан

2главици        кромид

1сртуг              праз

1тегла              шампињони 

7-8лажици      доматен сос

1чаша              вино

50мл.               масло за јадење

                       сушен магдонос

                       сол и бибер

       Во еден сад се става месото и се налева вода да се покрие месото. Во водата се додава и една шака сол. Месото се остава 2-3 часа да се маринира. 

      Кај нас скоро секое семејство во замрзнувачот има печени и излупени пиперки кои се чуваат за на зима. А се почесто се замрзнуваат и модри патлиџани кои се претходно испечени излупени и исцедени. За овој рецепт ни требаат такви. Доколку користите свежи пиперки и модри патлиџани треба прво да се испечат. 

         Месото се вади од водата се сечка на коцки. Потоа се става во тенџере во кое се додава и една чаша бело вино и малку сол. Месото се вари на тивко со виното. Кога ќе испари виното се додава малку масло за јадење и месото се пропржува. Потоа се трга од оган.

         Кромидот се лупи и се сечка. Потоа се додава во тенџере во кое се додава и маслото за јадење. Се става да се пржи на тивок оган и повремено се меша. Кога кромидот ќе добие стаклест изглед во него се додаваат сечкани пиперот, модриот патлиџан и празот. Се продолжува со пржење на тивок оган и повремено се промешува. Потоа се додаваат печурките и малку од водата од печурките. Следно се додава месото и доматниот сос. На крај се додава сол, бибер и магдонос. Се пржи уште десет минути со повремено мешање и се вади од оган.

500г.             мелено месо

6-7                црвени    или зелени пиперки(капија)

1                     кромид

1                     домат

2                     компира

½                   финџал ориз

1лажица        зачин

сол

масло за јадење

1лажица        брашно

1 лажица       црвен пипер

бибер

неколку свежи шампињони

     Кромидот го лупиме и ситно го сечкаме. Во тава за пржење ставаме масло за јадење, го додаваме кромидот и тавата ја ставаме на оган. Пржиме додека кромидот стане прозирен. Потоа го додаваме месото. Пржиме додека месото не добие црвено кафена боја. Потоа додаваме ориз, еден ситно сечкан домат, зачин, сол. Пржиме уште пет минути и додаваме црвен пипер и бибер. Промешуваме, пржиме околу една минута и тавата ја вадиме од оган.

        Црвените пиперки ги миеме и им ги вадиме шишките. Потоа една по една ги полниме со месо. Лупиме еден компир и го сечеме на тенки кругови. Со круговите компир ги затвораме пиперките (Пиперките можат да се затворат и со кругови домат). Ги редиме пиперките во тава за печење. Во тавата помеѓу пиперките додаваме компир на мали коцки и свежи шампињони и половина литар вода. Ја ставаме тавата на оган да зоврие и ја влучуваме рерната на 240°C. Кога водата во тавата ќе зоврие ја ставаме во рерна. Печеме 15 минути.

             Во меѓувреме земаме една мало тавче, во него додаваме масло за јадење и една лажица брашно. Го ставаме тавчето на оган и го пржиме брашното додека не добие светло кафена боја. Ја вадиме тавата со пиперките од рерна. Внимателно ги вртиме пиперките на другата страна и го истураме запрженото брашно над пипрките. Тавата ја враќаме во рерна. Печеме уште 15-20 минути и ја вадиме тавата од рерна.

5 кременадли

150мл. бело вино

250гр. шампињони

180гр. кисела павлака

1 шака. сол

½ лажица брашно

Масло за јадење

Кременадлите се ставаат во еден длабок сад. Потоа се истура вода да се покријат кременадлите. Се става една шака сол. Ова се остава да стои 2-3 часа(со ова кременадлите ќе станат меки и лесни за подготовка).

 Следно кременадлите се вадат од водата и се  ставаат во тава  за пржење. Се прелеваат со виното. Потоа се ставаат на оган и се крчкаат додека испари виното. Па се додава масло за јадење и се пржат додека зацрвенат. Потоа се вадат од тавата.

Во тавата се додава брашното и се пржи додека зацрвени. Потоа се додаваат шампињоните и 200мл. од течноста на шампињоните или 200мл. вода. Се остава да зоврие и да врие околу 5 минути додека згусне. Следно ја додаваме павлаката. Кратко промешуваме и ги додавеме кременадлите. Вадиме од оган и послужуваме.

Потребни состојки

3кг. јагнешко

1кг. Компир

300г. шампињони

2 морковисеме од коријандер

1 чаша бело вино

40-50мл. масло за јадење

сол

Маринада:

сок од еден лимун

една лажица мед

семе од коријандер

рузмарин

четири лажици сенф

Прво се прави маринадата. Во сокот од лимунот се додаваат медот и сенфот. Се меша, па се додава коријандерот и сечкан рузмарин.Јагнешкото се прободува со вилушка на повеќе места.Убаво се посолува на секоја страна. Потоа се премачкува со маринадата и убаво се трла.Месото се остава 3-4 часа да отстои во маринадата. Потоа се става на плех од шпорет, се полева една чаша бело вино и малку масло за јадење. Потоа се покрива со алуминиумска фолија и се пече на 220°C.

Во меѓувреме се подготвуваат другите додатоци. Се лупат компирите и се сечкаат на коцки. Морковите се лупат и сечкаат на кругови. Печурките можат да бидат цели или сечкани. Сето ова се меша заедно се става масло за јадење и се посолува. Кога ќе помине половина час од печењето на јагнешкото се додава зеленчукот. Се пече уште час и половина. Потоа се вади алуминиумската фолија се става малку масло за јадење и се пече уште дваесет минути до половина час.