1кг.                           јунешко месо

    2 главици                кромид

    2                               моркови

    1                              свежа пиперка

    2 лажици                 зачин со зеленчук

    300мл.                     вода

    1 чаша.                    бело вино

                                     сол и црн пипер

     1 лажиче                 брашно

                                     масло за јадење

     1кг.                           компир

     1 лажица.                црвен пипер

              Јунешкото месо се сече на подебели шницли.  Кромидот се лупи и се сецка на поголеми парчиња. Морковите се лупат и се сечат на кругови. Пиперката се сецка на поголеми парчиња.

           Половина од месото се реди на дното на едно тенџере. Над него се става половина од кромидот, морковите, пиперката и половина лажица зачин. Потоа се реди останатиот дел од месото. Над него повторно се реди останатиот дел од кромидот, морковите ,пиперката и половина лажица зачин.  Се става и малку сол и црн пипер. Сето ова се прелева со водата и се става на тивок оган да се крчка околу еден час(повремено се проверува дали има вода и се промешува). После еден час се истура виното и се остава да се крчка на тивко уште еден час.

       Во меѓувреме се лупат компирите се сечат на коцки и се ставаат во тава за печење. Се става една лажица зачин, една лажица црвен пипер, малку црн пипер и сол. Потоа се става вода колку да го покрие дното на тавата. Одозгора компирите се прелеваат со масло за јадење. Тавата се става во рерна и компирите се печат на 220°C околу еден час.  

         После 2 часа месото се вади од тенџерето на една чинија. Во тава за пржење се става малку масло за јадење и се става на оган да се загрее. Потоа се става месото и кратко се запржува од двете страни.  Месото се трга на страна и се покрива со алуминиумска фолија.

         Бујонот, каде се варело месото може да се искористи како сос. Прво со вилушка се гмечат кромидот, морковот и пиперката. Потоа во една тава се става малку масло за јадење и се става на оган. Во тавата се додава брашното и се меша. Кога ќе се запржи се додава бујонот. Се остава кратко да се крчка за да се згусне.

          На чинија за сервирање се става парче месо кое се прелева со сос и се става од компирите. Одозгора се декорира по желба.

       Прекрасно и вкусно јадење за љубителите на јунешко месо со кое може да ги воодушевите вашите гости. Пријатно јадење!!!

2                            тиквици

500 г.                     мелено месо

400 мл.                  доматен сос

1                             главица кромид

1                             свежа пиперка

1                             морков

40 мл.                     зејтин

1 лажица                мешан зачин

                                сол

                                бибер

Бешамел сос

50 г.                       брашно

50 г.                       путер

600 мл.                  млеко

       Кромидот ситно се сецка и се става во тава за пржење во која претходно е ставен зејтинот. Тавата се става на оган. Комидот се пржи додека стане стаклест. Во меѓувреме се сецкаат пиперката и морковот, па се додаваат во тавата. Потоа се додава месото. Се пржи околу половина час со повремено мешање. Потоа се додава доматниот сос. Се додава мешан зачин, сол и бибер. Сосот се крчка некое време се додека кога ќе поминеме со лажица не се види дното. Го тргаме сосот на страна.

      Започнуваме со подготовка на бешамелот. Во едно тенџере го ставаме путерот. Тенџерето го ставаме на оган. Кога путерот ќе се растопи го додаваме брашното. Брашното се пропржува потоа се додава млекото. Потоа се додава бибер. Се остава сосот да врие на тивко неколку минути и повремено се промешува. Потоа се трга од оган.

       Зависно од големината на тиквиците се земаат 2 или 3. Се мијат се отстрануваат краевите и се сечат на кругови. Во тава за печење се става многу малку вода, потоа се редат еден дел од тиквиците. Над тиквиците се става од сосот со мелено месо. Потоа се реди втор ред тиквици. Па повторно од сосот со меленото месо. И уште еднаш тиквици и мелено месо. Најгоре се става бешамелот и со лажица убаво се распределува низ целата тава. Тавата се става во загреана рерна на 220°С. Се пече 30-40 минути.

4                      јајца

10 лажици      шеќер

40 г.                 прашок за шлаг

150 мл.            млеко

4 лажици         џем од малини

                         и кајсии

       Во два сада се делат жолчките од белките. Белките се матат со 4 лажици шеќер. Потоа се матат жолчките со 4 лажици шеќер. Белките се истураат во жолчките и се мешаат со шпатула.

      Во еден сад се истура млекото, 2 лажици шеќер и прашокот за шлаг. Потоа се мати шлагот. Кога ќе се добие потребнта цврстина се прекинува со матење. Во шлагот се додааваат белките и жолчите. Се мати со миксер на најслаба брзина. Смесата се истура во садови погодни за замрзнување. Над смесата со лажица се нанесува мармалад од малини и кајсии. Садовите се ставаат во фрижидер за длабоко замрзнување. Сладоледот е спремен за послужување после 5-6 часа.

20-25                големи листови блитва

500 г.                мелено месо

 1                       главица кромид

 3                       шаки ориз

 3 лажици         доматен сос или кечап

1 лажица          зачин

1 лажица          брашно

1 лажица           мелен црвен пипер

                          масло за јадење

                          бибер

                           сол

           Кромидот го лупиме и ситно го сечкаме. Во тава за пржење ставаме малку масло за јадење и го додаваме кромидот. Тавата ја ставаме на оган. Пржиме додека кромидот не добие стаклест изглед. Потоа го додаваме месото. Пржиме додека месото добие црвенкаст изглед.

         Во меѓувреме ги миеме листовите блитва и ги отстрануваме дршките. Листовите ги оставаме настрана да се исцедат.

         Кога месото ќе почне да се запржува се  додава доматниот сос, зачинот, сол и бибер. Потоа се додава оризот и се промешува. По неколку минути се додава црвениот пипер. Се пропжува уште неколку минути и тавата се трга од оган.

         Започнуваме со виткањето на сарми. Се зема еден лист (доколку листовите се помали може да се искористат и два), на едниот крај  се става една лажица од месото и се витка сарма. Сармите се редат во тава за печење. Кога ќе се потрошат сите состојки во тавата се додава 250 мл. вода. Тавата се става на оган. Кога водата ќе зоврие се остава да врие 5 минути. Во меѓувреме се вклучува рената да се загрее на 240°С. Откако водата во тавата ќе проврие тавата се става во рерна. По половина час во едно мало тавче се става малку зејтин и една лажица брашно. Тавчето се става на оган. Брашното се пржи додека добие златеникава боја. Потоа тавата се вади од рерна и во неа се додава брашното (внимателно може да прска). Тавата се враќа во рерна и се пече уште 20 минути. Потоа се вади од рерна и јадењето е спремно.

1 кг.                         свински ребра

1 кг.                         компири

1 чаша                    бело вино

50 мл.                     зејтин

1 лажица                 зачин со сушен зеленчук

                                сол

                                сушен босилек

                                бибер

                                 буковец

             Компирите се мијат, се лупат и се сечат на коцки. Се ставаат во тава за печење. Потоа се додава зачин со сушен зеленчук, сол, буковец и една чаша вино.

            Ребрата се мијат и се зачинуваат со сол, сушен босилек и бибер. Се сечат на неколку места. Се ставаат над компирите. Одозгора се става зејтинот. Се печат 2 часа на 220°С. По еден час печење тавата се вади од рерна. Ребрата се превртуваат на другата страна. Одозгора се додава уште малку сол, бибер и зејтин. Тавата се враќа во рерна и се пече уште еден час.

Тесто:

6 финџали              вода

2 финџали              зејтин

6 финџали              брашно

8                              јајца

Фил:

1л.                           млеко

10лажици                шеќер

2                              пудинга од ванила

3л.                           брашно

125г.                        маргарин

125г.                        шеќер во прав

       Во еден сад се става водата и зејтинот. Садот се става на оган. Кога водата ќе зоврие садот се трга од оган и се додава брашното. Садот повторно се враќа на оган и смесата убаво се меша да се добие компактна смеса. Потоа садот се трга од оган и се остава смесата да се излади.

       Во меѓувреме се подготвува филот. Во еден сад се става половина литар млеко и 10 лажици шеќер. Шеќерот убаво се промешува и садот се става на оган. Настрана во еден длабок сад додава половина литар млеко. Во млекото се додава пудингот од ванила и брашното. Убаво се меша. Кога млекото ќе зоврие се додава млекото со пудинг. Се меша убаво додека се добие убав крем. Потоа садот се трга од оган и се остава кремот да се олади.

      Кога тестото за еклери ќе се олади во него се додаваат јајцата едно по едно и се мати со миксер. Потоа се зема од тестото и се полни шприц или алатка за тулумби. На плех од шпорет со шприцот се прават форми во форма на полжав. Тестото се пече на 250°С и рерната не се отвара 15 минути. После тие 15 минути се намалува температурата на 200°С и по потреба се допечуваат. Постапката се повторува додека се потроши тестото.  

    Во еден сад се ставаат маргаринот и шеќерот во прав. Се матат со миксер додека се добие компактна смеса. Потоа се додава изладениот крем. Се мати убаво.

      Еклерите се сечат на половина и се полнат со кремот. Одозгора се попрскуваат со шеќер во прав.

500г.                   ориз

4-5 главици      кромид

40-50                 листови кисела

                          зелка

1лажица            зачин со зеленчук

2 лажица           црвен пипер

                           сол

                            оригано

                            босилек

                            бибер

         Кромидот се лупи и ситно се сецка. Потоа се става во тава со малку зејтин. Се пржи на тивко. Во меѓувреме оризот се чисти и се мие со вода. Кога кромидот ќе добие стаклен проѕирен изглед се додава оризот. Се промешува и се продолжува со пржење. Се додава зачинот, солот, ориганото, босилекот и биберот. По околу 4-5 минути се додава црвениот пипер. Убаво се промешува и тавата се вади од оган.

         Следно се поготвуваат листовите кисела зелка. Се зема еден лист зелка и се дели на два или три дела во зависност колкави сакаме да бидат сармите. Листовите треба да бидат со приближна големина. Се подготвуваат 40-50 листови.

         На дното на едно поголемо тенџере се дроби зелка на покрупни парчиња. Потоа се прават сармите. Се зема еден лист од зелка на едниот крај се става лажиче од оризот и се витка сарма. Сармите се редат во тенџерето. Се прават сарми се додека има од филот со ориз. Потоа сармите се покриваат со цели листови зелка. Наместо вода во тенџерето се истура расолница(може и вода). Расолницата треба да ги покрие сармите. Тенџерето се поклопува со капакот и се става на оган. Се вари олоку час и половина. По потреба се додава расолница или вода.

          Во едно помало тенџере се става малку зејтин и една лажица црвен пипер. Пиперот кратко се пропржува и потоа се истура во тенџерето со сармите. 

           Рерната се загрева на 220°С. Потоа тенџерето со сармите се става во рерната и се остава околу половина час. Потоа се вади од рерна.

      Оревите се одличен извор на протеини и влакна. Тие исто така се одличен извор на витамин Е кој има антиоксидантни својства. Понатаму содржат и амино киселина која нуди повеќе васкуларни придобивки како за луѓето со срцеви заболувања така и на оние со зголемен ризик за за срцеви заболувања. 

Некои истражувања покажуваат дека оревите не го намалуваат само ризикот за рак на простата туку и ризикот за ракот на дојка. Конзумирањето две шаки ореви на ден го намалува ризикот за рак на дојка за половина.

Оревите содржат и невро заштитувачки елементи вклучувајќи витамин Е, фолати, мелатонин, omega-3 масти и антиоксиданти. Истражувањата покажале дека конзумирање ореви го подобрува здравјето на мозокот. 

Во последно време доста се употребува маслото од ореви. Тоа се добива од суви и ладно цедени ореви. Маслото е богат извор на антиоксиданти, но и на магнезиум и бакар. 35 грама масло од ореви содржи исти нутритивни вредности како и 50 г. ореви. Не се препорачува готвење со ова масло. 

      Воведете ореви во секојдневната исхрана и со тоа ќе вложите во вашето здравје.

       Попова шапка изобилува со скијачки патеки, а нуди и услови за зимски екстремни спортови. Патеките се со должина од околу 10км. и капацитет од околу 8000 скијачи на час.

       Овој зимско-рекреативен центар се карактеризира со голем број сончеви денови и снег од ноември до април.

300г.              шеќер

100мл.          вода

150г.              маргарин

200г.              посни бисквити

400г.              кикирики

100г.              урми

200г.              чоколада

3лажици.      зејтин

          Кикириките се печат на 100°C. Кога ќе се испечат, доколку имаат лушпа се лупат. Можат да се купат и печени но не долени. Потоа 200г се мелат, а 200г. се сечкаат. Се мелат и бисквитите. Урмите се сецкаат.

          Во еден сад се ставаат шеќерот и водата и убаво се промешуваат. Потоа садот се става на оган. Кога водата ќе зоврие садот се трга од оган. Се додава 125г. маргарин и се меша. Кога маргаринот ќе се стопи се додаваат бисквитите, мелените кикирики и урмите. Убаво се меша да се добие компактна смеса. Се остава да се олади.

          Кога смесата ќе се олади се прават топчиња и се редат на алуминиумска фолија.

        Во еден сад се става 25г. маргарин, 3 лажици зејтин и 200г. чоколада. Садот се става на пареа. Кога состојките ќе се стопат садот се трга од оган. 

         Се зема топче по топче. Прво се вала во чоколада потоа во сецкани кикирики.