4                      јајца

10 лажици      шеќер

40 г.                 прашок за шлаг

150 мл.            млеко

4 лажици         џем од малини

                         и кајсии

       Во два сада се делат жолчките од белките. Белките се матат со 4 лажици шеќер. Потоа се матат жолчките со 4 лажици шеќер. Белките се истураат во жолчките и се мешаат со шпатула.

      Во еден сад се истура млекото, 2 лажици шеќер и прашокот за шлаг. Потоа се мати шлагот. Кога ќе се добие потребнта цврстина се прекинува со матење. Во шлагот се додааваат белките и жолчите. Се мати со миксер на најслаба брзина. Смесата се истура во садови погодни за замрзнување. Над смесата со лажица се нанесува мармалад од малини и кајсии. Садовите се ставаат во фрижидер за длабоко замрзнување. Сладоледот е спремен за послужување после 5-6 часа.

Тесто:

6 финџали              вода

2 финџали              зејтин

6 финџали              брашно

8                              јајца

Фил:

1л.                           млеко

10лажици                шеќер

2                              пудинга од ванила

3л.                           брашно

125г.                        маргарин

125г.                        шеќер во прав

       Во еден сад се става водата и зејтинот. Садот се става на оган. Кога водата ќе зоврие садот се трга од оган и се додава брашното. Садот повторно се враќа на оган и смесата убаво се меша да се добие компактна смеса. Потоа садот се трга од оган и се остава смесата да се излади.

       Во меѓувреме се подготвува филот. Во еден сад се става половина литар млеко и 10 лажици шеќер. Шеќерот убаво се промешува и садот се става на оган. Настрана во еден длабок сад додава половина литар млеко. Во млекото се додава пудингот од ванила и брашното. Убаво се меша. Кога млекото ќе зоврие се додава млекото со пудинг. Се меша убаво додека се добие убав крем. Потоа садот се трга од оган и се остава кремот да се олади.

      Кога тестото за еклери ќе се олади во него се додаваат јајцата едно по едно и се мати со миксер. Потоа се зема од тестото и се полни шприц или алатка за тулумби. На плех од шпорет со шприцот се прават форми во форма на полжав. Тестото се пече на 250°С и рерната не се отвара 15 минути. После тие 15 минути се намалува температурата на 200°С и по потреба се допечуваат. Постапката се повторува додека се потроши тестото.  

    Во еден сад се ставаат маргаринот и шеќерот во прав. Се матат со миксер додека се добие компактна смеса. Потоа се додава изладениот крем. Се мати убаво.

      Еклерите се сечат на половина и се полнат со кремот. Одозгора се попрскуваат со шеќер во прав.

300г.              шеќер

100мл.          вода

150г.              маргарин

200г.              посни бисквити

400г.              кикирики

100г.              урми

200г.              чоколада

3лажици.      зејтин

          Кикириките се печат на 100°C. Кога ќе се испечат, доколку имаат лушпа се лупат. Можат да се купат и печени но не долени. Потоа 200г се мелат, а 200г. се сечкаат. Се мелат и бисквитите. Урмите се сецкаат.

          Во еден сад се ставаат шеќерот и водата и убаво се промешуваат. Потоа садот се става на оган. Кога водата ќе зоврие садот се трга од оган. Се додава 125г. маргарин и се меша. Кога маргаринот ќе се стопи се додаваат бисквитите, мелените кикирики и урмите. Убаво се меша да се добие компактна смеса. Се остава да се олади.

          Кога смесата ќе се олади се прават топчиња и се редат на алуминиумска фолија.

        Во еден сад се става 25г. маргарин, 3 лажици зејтин и 200г. чоколада. Садот се става на пареа. Кога состојките ќе се стопат садот се трга од оган. 

         Се зема топче по топче. Прво се вала во чоколада потоа во сецкани кикирики.

650г.                шеќер

18лажици.     вода

210г.                маргарин

250г.                мелени лешници

250г.                мелени бисквити

100г.                чоколада

За глазура

100г.               чоколада

  20г.               маргарин

    3л.               зејтин

         Лешниците се потпечуваат на тивок оган. Кога ќе се изладат се мелат заедно со бисквитите. 

       Во едно тенџере се ставаат шеќерот и водата и убаво се промешуваат. Потоа тенџерето се става на оган. Кога шеќерот ќе се стопи тенџерето се трга од оган и се додаваат лешниците и бисквитите. Потоа се додава маргаринот. Смесата се дели на два дела и во едниот дел се додава 100г. растопена чоколада. 

          Едно тавче се премачува со малку зејтин. Потоа прво се става делот со чоколадата, а над него белиот дел. 

        Во еден помал сад ставаме 100г. чоколада, 20г. маргарин и 3 лажици зејтин. Садот се става на пареа. Кога состојките ќе се стопат садот се трга и чоколадата се истура врз бајадерата. Убаво се премачкува. Бајадерата се декорира додека чоколадата е се уште топла. 

200г.       ореви или лешници

200г.       бисквити

300г.       чоколада за готвење

200г.       шеќер

100мл.    вода

                 рум

    Оревите и бисквитите се потпечуваатна тивок оган, а потоа се мелат. 

    Во еден сад се ставаат шеќерот и водата, се промешува и садот се става на оган водата да зоврие. Кога водата ќе зоврие се трга садот од оган. Потоа се додаваат оревите, бисквитите и малку рум. Се меша додека смесата се соедини. Од смесата се прават топчиња.

     Чоколадата се крши на коцки и се става во сад, а садот се става на пареа. Кога чоколадата ќе се стопи садот со чоколадата се остава над садот со пареа, но се трга од оган. Потоа со силиконска четкичка од чоколадата се нанесува на силиконски калап со различни форми. Калапот се става во фрижидер. По 2-3 минути се вади и се нанесува втор слој чоколада. Калапот повторно се враќа во фрижидер. По 2-3 минути калапот се вади од фрижидер и во него се ставаат топчиња од бисквити и ореви. Над топчињата се нанесува чоколада и калапот се враќа во фрижидер. По неколку минути калапот се вади од фрижидерот и чоколадните цветови се вадат од калапот.

100г.              лешници

100г.              ореви

200г.              чоколада

1лажица.       нес кафе

1лажица.       масло за јадење

Лешниците и оревите се потпечуваат во рерна на 100°C. 

Чоколадата се крши на делови и се става во мало тенџерче. Потоа се топи на пареа. Кога ќе се растопи се додава нес кафето и маслото за јадење и се трга на страна. Во чоколадата се додаваат лешниците и оревите и добро се промешува. Со мала лажичка од смесата се става во корпичиња за колачи.

Декорација

Еден начин на декорација е со кристали од шеќер. Во еден сад се става 1 лажичка шеќер и неколку капки вода. Садот се става на тивок оган. Кога шеќерот ќе се растопи се додава прехрамбена боја по желба. Растопениот шеќер се истура на алуминиумска фолија. Кога ќе се стегне се крши на ситни парчиња. Парчињата се ставаат над колачите додека чоколадата не е стегната. 

500г. брашно
2 јајца
10 лажици шеќер
8лажици сало
12г. пециво
10г. ванила

Во длабок сад ставете ги сите состојки и замесете тесто(ако тестото е премеко додадете уште малку брашно). Потоа ставете го тестото на набрашнета површина и расучете кора со дебелина еден cm. Со алатки во форма вадете различни форми и ставајте ги на плех за печење.Печете на 180°C додека добиете црвено кафена боја. Готовите ванилици посипете ги со шеќер во прав.
За оние кои не користат сало може да употреват маргарин за готвење.